Enxiemplo de la raposa que come las gallinas en la aldea 084 Pág. 084 de 112 Libro de Buen Amor Arcipreste de Hita Contesçió en una aldea de muro bien çercada, que la presta gulhara ansí era vesada, que entrava de noche la puerta ya çerrada, comía las gallinas de posada en posada. Teníanse los del pueblo d'ella por mal chufados cerraron los portillos, finiestras et forados, desque se vido ençerrada, dis': 'Los gallos furtados d'ésta creo que sean pagados et escotados.' Tendiose a la puerta del aldea nombrada, físose como muerta, la boca regañada, las manos encogidas, yerta e desfigurada, desían los que pasaban: '¡Tente esa trasnochada!' Pasava de mañana por y un zapatero: '¡O', dis', 'qué buena cola! más vale que un dinero; faré trainel d'ella par calçar ligero.' Cortola, e estudo más queda que un cordero. El alfajeme pasava, que venía de sangrar; dis': 'El colmillo d'ésta puede...