Aquí fabla de la respuesta que don Amor dio al arçipreste II 037B Pág. 037B de 112 Libro de Buen Amor Arcipreste de Hita Toma de unas viejas que se fasen erveras, andan de casa en casa e llámanse parteras; con polvos e afeytes e con alcoholeras, echan la moça en ojo e ciegan bien de veras. E busca mesajera de unas negras pecas que usan muncho frayres, monjas e beatas; son mucho andariegas e meresçen las çapatas; estas trotaconventos fasen muchas baratas. Do estas mujeres están muncho se alegran pocas mugeres pueden d'ellas se despagar, porque a ti non mienta sábelas falagar, ca tal escanto usan que saben bien çegar. De aquestas viejas todas ésta es la mejor; ruégal' que te non mienta, muéstral' buen amor, que muncha mala bestia vende buen corredor, e muncha mala ropa cubre buen cobertor. Si dexier' que la dueña non tiene miembros muy grandes nin los braços delgados, tú luego lo demandes...